Galiza Nova Madrid

Condena do atentado de hoxe

2008-03-07T20:11:00.000+01:00

Os partidos políticos, antes de reunirse esta tarde no Congreso dos
Deputados, emitiron xa numerosos comunicados de condena respecto do
asasinato do ex concelleiro do PSE, Isaías Carrasco.

Nunha reunión urxente, a Dirección Nacional do Bloque Nacionalista
Galego acordou notificar aos medios de comunicación a súa “máis enérxica
condena perante o execrábel asasinato do ex concelleiro vasco. Así
mesmo, os nacionalistas transmiten no mesmo comunicado “as súas
condolenzas aos familiares e achegados, así como a súa solidariedade ao
Partido Socialista”.

Como xa adiantamos en GzNación, o BNG “vai suspender todos os actos
programados para o último día de campaña, como testemuño da súa repulsa
perante a barbarie terrorista e como tributo solidario en homenaxe a
Isaías Carrasco”.

Por último, a mesma comunicación de prensa condena “a miseria moral do
terrorismo representa un intolerábel atentado contra os dereitos humanos
máis elementais e obriga a todas as forzas políticas democráticas, a
todos os pacifistas, a manter unha acción unitaria e a non facer uso
político non electoralista da violencia”.

*Condena de Touriño*

O presidente da Xunta, Emilio Pérez Touriño, manifestou tamén "a condena
máis firme e a repulsa máis enérxica" do pobo galego fronte ao atentado
terrorista. Tamén mediante un comunicado, o xefe do Executivo galego
transmitiu a solidariedade, o afecto e a proximidade dos galegos aos
familiares da vítima mortal, e en nome propio e do seu goberno lamentou
o asasinato "a mans da banda terrorista ETA".

Touriño resaltou tamén a firme necesidade de que todas as forzas sigan
traballando pola paz e a defensa dos dereitos e liberdades dos cidadáns,
"fronte aos que queren danar a convivencia en paz e pluralidade da
sociedade". Así mesmo, expresou o seu total respaldo ao labor dos
membros das forzas e corpos de seguridade do Estado contra a violencia
terrorista.

*Núñez Feijóo*

O presidente do PPdeG, Alberto Núñez Feijóo, tamén mostrou o seu
rexeitamento polo falecemento de Isaías Carrasco e afirmou que a banda
terrorista é o "estigma" que ten o Estado e que seguirá matando ata que
se consiga terminar con ela.

Do mesmo xeito trasladou a súa pésame á familia do ex concelleiro, así
como ao PSOE, explicou que o "único obxectivo" de ETA é "matar e
asasinar". O líder do PPdeG asegurou que ETA non quere nin dialogar, nin
vivir en democracia, nin buscar a paz, xa que é "unha organización
totalitaria que só busca o medo e romper a vida da xente".

PONTEVEDRA ESCENICA.KIOSCO DAS ALMAS PERDIDAS

2008-03-07T20:09:00.002+01:00

DIA 27 DIALOGOS ALTERMUNDIALISTAS

2008-02-23T01:25:00.001+01:00

CASA GALICIA-21/02/08-espectáculo teatral

2008-02-21T10:26:00.000+01:00

Querido/a amigo/a:

El próximo jueves, día 21 de febrero, a las 20,00 horas se presentará en
la Casa de Galicia, dentro del Ciclo ReCrea Galicia, el espectáculo
teatral, AIREANDO DESAIRES por Olaia Pazos y Cris Mariño.

Aireando Desaires son paisajes de mujeres en pie de queja, que se
acercan y se alejan, un sí, un tal vez, un sí es no es, un para qué, un no….

Monólogos breves enlazados entre sí y salpicados con momentos musicales
y comedias.

Cris Mariño comienza su andadura teatral en 1996 formando parte desde
entonces de distintos grupos amadores de la comarca. Profesionalmente ha
trabajado en diferentes montajes de las empresas de espectáculos
Trebellar y Diver-Show, así como en el grupo de teatro infantil
Güivi-Trivi del que fue fundadora. Actualmente estudia último curso en
al Escuela de Formación Actoral de Narón, una de las escuelas de
referencia en Galicia. También es cantante en el grupo Nois. En estos
momentos forma parte de la dirección de la asociación teatral O aturuxo
de Melpómene, de la que es confundidora.

Olaia Pazos comienza su formación en la escuela de teatro de Narón, bajo
la dirección de Lino Braxe, en el año 1997.

Actualmente rueda su primer papel protagonista en el largometraje, “El
tiempo de Plácido Meana”, dirigida por Kike Narcea. Además continúa con
los proyectos teatrales, “DesConcierto con Tropezones” y “Proxecto Titánide”

Veremos un proyecto teatral muy interesante.

Recibe un cordial saludo,

Alfonso S. Palomares

Director de la Casa de Galicia en Madrid
Casado del Alisal, 8
28014 Madrid
Tel.: 91 595 42 00/595 42 14 - Fax: 91 595 42 09
Correo-e: casa.galicia@xunta.es

A igualdade dos partidos centralistas dá mais importancia ao voto do BNG.

2008-02-21T10:18:00.001+01:00

Como simpatizante do bloco sinto que meu voto é nestas eleições mais útil que nunca. Demonstrou-se que na legislatura anterior os deputados do BNG lograram para a Galiza, em exclusiva, mais do que em todo o que levamos de democracia todos os parlamentarios do PP e socialistas juntos. Eu faria um apelo aos militantes desta organização nacionalista galega para que façam ver à gente este facto que sem dúvida se não tinha dado anteriormente com tanta clareza.
Qualquer dos dous partidos centralistas que ganhe as eleições vai ter que contar com os votos dos nacionalistas e a julgar pelos inquéritos, os socialistas com alguns deputados mais do que o PP vai ser quem governe e ai está a nossa oportunidade de seguir logrando para nosso país transferências e bem estar. Traduze-se em mais escolas infantis, mais apoio para nossos maiores, mais transferências como a de transito (trafico), etc..
O nove de Março vai ser um grande dia para a Galiza se logramos acordar do nosso estado de letargo histórico.
Avante toda!!
Ricardo Windsor Aveiro.
Madrid.

Grave erro do Instituto Xeográfico Nacional na toponimia galega

2007-03-19T16:31:00.000+01:00

**DINFUDE E PARTICIPA!**

Sabes onde está La Teijeira, El Bollo ou Chandreja de Queija? Nós
dicímoscho: no Instituto Xeográfico Nacional . Este
órgano do Ministerio de Fomento fai uso destes e doutros moitos
barbarismos na súa páxina web: La Bola, Castrelo del Valle, Jinzo de
Limia, El Irijo, Junqueira de Ambía, Lobera, Viana del Bollo,
Villardevós, Germade, Jove, Otero de Rey, Pedrafita del Cebrero...
Envíalles cun correo esixindo o cumprimento da legalidade toponímica
<http://www.ciberirmandade.org/sitio2005/component/option,com_obxetivos/task,envioweb/id,91/>.

Non é aceptábel que na páxina web dunha administración como é a
Dirección Xeral do Instituto Xeográfico Nacional, practicamente todos os
topónimos de Galiza estean tan grotescamente deturpados, esquecendo o
deber de respetar os nomes oficiais dos concellos galegos. Máis aínda
tendo en conta a importancia que a toponimia ten na elaboración de
cartografía, polo que o IGN debería ser especialmente coidadoso con este
tipo de grallas.

Vendo esas barbaridades case pasa desapercibido que a versión en galego
desta páxina web ten a meirande parte dos seus contidos en castelán, e
as partes en galego están inzadas de faltas de ortografía, o que é unha
enorme falta de respecto para a cidadanía galega.

No prego que che propón enviar a CiberIrmandade, solicítase, ademais da
corrección inmediata da toponimia, que o Instituto Xeográfico Nacional
faga unha versión seria en galego da súa páxina web.

--
CiberIrmandade da Fala. http://www.ciberirmandade.org

Para deixar de recibir información da CiberIrmandade da Fala, visita
esta ligazón

Para actualizar as tuas preferencias visita esta ligazón

(non respostes a novas@ciberirmandade.org
; faino a infoxeral@ciberirmandade.org
)

Declaracións de Francisco Rodríguez

2006-10-06T12:00:00.000+02:00

O BNG NON PODE APOIAR OS ORZAMENTOS 2007 “Mentras non teñamos claro cal pode ser o aumento cuantitativo e cualitativo do que plantexamos”

“Para nós é importante que as cifras estean situadas como mínimo en 60 millóns de euros máis para Galiza”, declarou o deputado do BNG

Madrid, 5 Outubro 06. O portavoz do BNG no Congreso dos Deputados, Francisco Rodríguez, afirmou esta tarde en declaracións aos meios de comunicación que o BNG non pode apoiar os Orzamentos do Estado para o ano 2007 “mentras non teñamos claro cal pode ser o aumento cuantitativo, e cais dos temas básicos que plantexamos se van abordar por parte do Goberno”.

“Mentras iso non estea claro, nós non imos darlle o apoio aos Orzamentos tal e como están”, engadiu o deputado nacionalista.
Rodríguez realizaba estas afirmacións á saída da xunta mantida co Vicepresidente Segundo e Ministro de Economía, Pedro Solbes, na segunda ronda de contactos para tratar os Orzamentos que o Estado destina a Galiza para o próximo exercicio.

O parlamentar do BNG explicou que trasladara ao Ministro o que “consideramos as necesidades de Galiza. Explicámoslle cais teñan que ser os aumentos cualitativos en función desas necesidades. Sobre todo en relación con outras Comunidades que teñen un grao de desenvolvimento similar. Expuxémoslle os nosos criterios, con casos concretos e exemplificados e quedamos en que seguríamos estudando o tema a fundo pero aínda non hai acordo”.

Mínimo 60 millóns máis. As prioridades: estacións depuradoras, o ferrocarril e o agro

Francisco Rodríguez recalcou a importanza de que os cartos para Galiza se incrementen, como mínimo, en 60 millóns de euros. “Para nós é moi importante que as cifras estean situadas como mínimo en máis de 60 millóns de euros. Pero non por un capricho noso, senón en función dos temas prioritarios que son: as estacións depuradoras de augas residuais, o tema de acelerar as obras do ferrocarril e contemplar tamén a cuestión produtiva, como a relativa ao agro. Se estas cuestións non se cumpren a nós resultaríanos imposíbel respaldar os Orzamentos para o ano 2007.

Manifesto de Bruxelas pola Innovación e a Sociedade do Coñecemento en Galiza

2006-05-31T13:23:00.000+02:00

Reunidos en Bruxelas, os días 29 e 30 de Maio de 2006, as persoas abaixo asinantes manifestan o seu compromiso en prol da aposta pola innovación na Galiza, creando o Grupo de Traballo BRUX-GAL POLA INNOVACION, que nace co fin de dinamizar á sociedade galega a través da difusión e concienciación, para apostar por unha política de innovación transversal desenvolvida polas partes responsables da súa implantación e mellora (administracións públicas, empresas, Universidades, centros tecnolóxicos):

O Grupo de Traballo BRUX-GAL POLA INNOVACIÓN, manifesta que:

• Galiza ten unha situación de perificidade estructural que dificulta a converxencia co resto da Unión Europea, sendo necesarias medidas de apoio para esa deficiencia e desequilibrio.

• Existen enormes potencialidades para desenvolver iniciativas de tipo empresarial e tecnolóxico en prol da innovación, sendo necesaria unha maior concenciación e cambio de mentalidade para conseguir este obxectivo, comprometéndose á difusión para concenciación.

• É necesaria unha maior inversión social en recursos humanos e capacitación profesional, e unha implantación do persoal que evite a emigración de científicos xoves e persoal técnico altamente cualificado, a fuga de cerebros, que se ven dando nos últimos dez anos.

• É necesario que o Goberno galego inste a realizar accións de tipo de concentración de estratexias, instando ás pequenas e medianas empresas a apostar por un maior investimento en innovación, polo beneficios na conversión do conocimento científico e tecnolóxico en productos e procesos de coñecemento e calidade.

• Galiza debe potenciar a creación de redes tecnolóxicas, a aposta por partillar a transferencia de tecnoloxía, e a promoción da sociedade da información como aposta pola nosa cultura e a nosa língua, e do software libre como oportunidade de desenvolvemento económico e social.

• No marco das novas perspectivas financieras da Unión Europea, Galiza debe apostar por un uso racional dos Fondos Estruturais, para que potencien a inversión en infraestructuras de tipo tecnolóxico, considerando que a frase “máis tecnoloxia e innovación e menos cemento”, resume a aposta que fixeron outros territorios da Unión Europea, que mellorarian a calidade de vida da cidadania galega.

• Recollendo as recomendacións da Comisión Europea, débese aproveitar a oportunidade de retorno de futuro que pode provocar unha aposta pola I + D +I, apostando pola creación de novos conceptos e redes de excelencia, seguindo os criterios do VII Programa Marco que vai entrar en vigor no 2007.

• O grupo constituido en Bruxelas, vai promover un gran pacto da sociedade en Galiza para apostar pola innovación como iniciativa de futuro para o desenvolvimento do noso pais, e con este fin lanzaranse diversas iniciativas que permitan a incorporación doutras persoas, empresas, colectivos e redes.

FUNDADORES:

• Ana Miranda, Voceira do BNG no Parlamento Europeo, responsable da Comisión de Emigración do BNG.

• Xavier Alcalá, Director Oficina de Programas Internacionales de I + D da Conselleria de Innovación e Industria (http://www.conselleriaciic.org)

• Antonio Pérez Casas, Asesor da Dirección de Promoción Industrial e Sociedade da Información da Conselleria de Innovación e Industria (http://www.conselleriaciic.org)

• Xabier Vence, Catedrático de Economia Aplicada da Universidade de Santiago, experto en temas de I+D+I

• Miguel Ángel Fernández, Presidente Grupo de Usuarios de GNU/Linux da Galiza (http://glug.es). Mesa Galega pola Innovación

• Xesús Baleato, Mesa Galega pola Innovación (http://www.mesagalega.info)

• Carlos Neira, Mesa Galega pola Innovación

• Denis Fernández Cabrera, Mesa Galega pola Innovación

• Carlos Rodríguez Garcia, GalPon-Asociación
que defende o Software Libre e en especial GNU/Linux
(www.GalPon.org)

• Javier Vázquez Lamas, Empresa Igalia (www.igalia.com)

• María Yáñez, Directora xornal electrónico Vieiros (www.vieiros.com)

• Oscar Casal, Asociación de Usuarios de Linux Universidade de Santiago (www.aulusc.org.es)

• Roberto Brenlla, Asociación Agnix de Usuarios de Software Libre (www.agnix.org)

• Xosé Manuel Rey, Asesor xurídico en Dereito das TIC. (www.datalawyers.com)

• Camilo Regueiro, Consultora Tecnolóxica Dimensiona (www.dimensiona.com)

• Manuel Muiño, Responsable Comisión Novas Tecnoloxías do BNG (www.bng-galiza.org)

• Xavier Seixo, Responsable Area de Innovación interna-Comisión Novas Tecnoloxias do BNG

• Luis Teira, Responsable Programas de aplicación social-novas tecnoloxias-Comisión Novas Tecnoloxías do BNG

Milladoiro homenaxea a Manuel María

2006-05-16T21:52:00.000+02:00

O próximo sábado día 20 de maio preséntase no Pazo da Cultura de Pontevedra organizado polo Concello, o disco "Unha estrela por guía" que o grupo Milladoiro dedica ao poeta Manuel María e que forma parte da programación "Manuel María: Poeta Nacional" que a Asociación Socio-Pedagóxica Galega
(AS-PG), a CIG-Ensino, a Asociación de Escritores en Lingua Galega (AELG) e a Mesa pola Normalización Lingüística veñen desenvolvendo.
Terá lugar no Pazo da Cultura de Pontevedra ás 21:00 h.
Prezo da entrada: 5 euros. Venta de entradas con antelación no Teatro Principal (de 11 a 14 e de 17 a
19 horas).

2006-05-16T13:16:00.000+02:00

Prezado Compañeiro:
Prezada Compañeira:

Pasamos a informarvos dunha serie de actividades e noticias que poden ser do voso interese.

1. Actos políticos

O 17 de maio, Día das Letras, a Mesa pola Normalización Lingüística convocou *unha manifestación en defensa da lingua galega*. O BNG chama aos seus militantes e simpatizantes a acudir a esta marcha, que sae da Alameda de Santiago ás 12.00. Por outra parte, Alberte Ansede e Pilar García Negro darán unha *conferencia *na Coruña sobre a situación da lingua o próximo luns 15 ás 20.30, na Fundación Paideia (Praza de María Pita).

A deputada pontevedresa Carme da Silva participará o luns 15, en Cambados, nun *debate sobre o novo Estatuto*. O acto é ás 16.30 no IES Francisco Asorei.

Ademais, o martes 16, a Fundación Galiza Sempre convocou en Vigo unha charla de Dionisia Pereira, emigrante galega que pertence ao colectivo das *Nais da Praza de Maio*. Este acto é ás 20.00 na Casa do Libro, en Velázquez Moreno.

2. Web nacional (www.bng-galiza.org )

O noso sitio na rede recolle a intervención de Francisco Rodríguez sobre a fraude das sociedades de investimento filatélicas . Ademais, recolle a iniciativa da Consellaría de Innovación e Industria para crear o portal Mancomun.org , unha web que incluirá en breve programas de software libre en galego.

A web tamén recolle a moción presentada por Francisco Jorquera e aprobada no Senado para que Navantia-Fene poida participar na construción naval civil .

3. Axenda parlamentar

O martes 16, Francisco Rodríguez apresentará unha moción na comisión de Infraestruturas do Congreso para que se axilice a construción do AVE galego. En pleno, debátese o xoves 18 a reforma fiscal, que ten unha emenda á totalidade por parte do BNG.

No Parlamento Galego, comparecen na Comisión do Estatuto a Confederación Galega de Empresarios, a Federación Galega de Comercio, as Asociacións de Mulleres Empresarias, Xóvenes Empresarios e a Unión Profesional de Traballadores Autónomos.

4. Axenda mediática

Bieito Lobeira será o representante nacionalista en "Hai debate!", o luns 15 ás 23.30. Os temas previstos son: o acceso á vivenda, a normalización lingüística no ensino, a fraude do Fórum Filatélico e Afinsa, a eutanasia, a paralización da piscifactoría en Touriñán e a política de gasto dos fondos europeos.

Sen máis, recibe un saúdo nacionalista

Gabinete de comunicación do BNG

Poesia

2006-05-12T19:28:00.000+02:00

Breogán, pai da miña terra,
vixiante do sacro camiño,
axudame nesta gran misión;
pois máis aló do río Miño,
sobrevoando os fríos Ancares
atopase o noso inimigo.

Levantase o pobo morto,
desperta o noso espírito;
agora que ti estas connosco,
fala o bravo mar galego
e celebra o noso encontro;
agora que ti estas connosco,
desperta o espírito galego,
renace o gran pobo morto.

Alto ao fogo de E.T.A.____Comunicado do B.N.G.

2006-03-22T23:37:00.000+01:00

O BLOQUE NACIONALISTA GALEGO CHAMA A APROVEITAR ESTA OPORTUNIDADE HISTÓRICA PARA CONSEGUIR A PAZ DEFINITIVA EN EUSKADI

A Executiva Nacional do Bloque Nacionalista Galego chama ás forzas políticas democráticas a que reforcen a súa unidade e a que exploren todas as oportunidades para conseguir a paz que se abren agora en Euskadi unha vez feito público o anuncio de ETA dun alto ao fogo permanente.

Só desde a irresponsabilidade máis sectaria se pode non considerar positivo o escenario que se abre agora en Euskadi, por máis que o proceso que comeza será sen dúbida longo e non exento de moitas dificuldades e non poucos riscos.

Estamos perante unha oportunidade histórica despois de moitas décadas de sufrimento e de barbarie, polo que cumpre que todos os axentes políticos e sociais estean á altura das circunstancias e sexan suficientemente responsábeis para poren os intereses xerais por enriba de calquer conveniencia particular.

O BNG lembra que hai xa unha folla de rota, un mandato do Congreso dos Deputados, previsto para o momento en que ETA fixese pública a súa intención de pór fin á súa actividade terrorista.

Esa folla de rota é a que debe presidir agora a actuación das forzas políticas democráticas na perspectiva de avanzar sen posibilidade de nengún retroceso cara a definitiva pacificación de Euskadi.

www.bng-galiza.org

O BNG INFORMA

2006-03-21T10:43:00.000+01:00

Número 13, 17 Marzo 06

Prezado Compañeiro:
Prezada Compañeira:

Pasamos a informar dunha serie de actos e noticias que poden ser do teu interese:

*1. A campaña do Novo Estatuto
*

A vindeira semana haberá charlas e mitins nos seguintes lugares:

-*O Pino*. O venres 24 ás 21.30 estará Xoán Carlos Bascuas no local social.
-*Arteixo*. O venres 24 ás 21.00 falará Pablo González Mariñas na Casa da Cultura.
-*Carballo*. Tamén o venres 24 ás 21.00 intervirá Francisco Rodríguez no Pazo da Cultura.
-*Pontedeume*. O venres 24 ás 20.00, no Centro Municipal de Maiores falarán Ana Pontón e Alberte Souto.
-*Cacheiras (Teo)*. O mesmo día -venres 24-, ás 20.30, dará unha charla Francisco Jorquera no Restaurante Pórtico.
-*Cambados*. Tamén o venres 24 ás 20.30 estará Carlos Aymerich en Exposalnés.
-*Bueu. *O sábado 25 ás 20.00 intervirá no Centro Social do Mar Pablo González Mariñas.
-*Xinzo de Limia*. O sábado 25 ás 20.30 darán unha charla Iago Tabarés e Francisco Jorquera na Casa da Cultura da vila.
-*Pobra do Caramiñal*. O sábado 25 ás 19.30 falará Bieito Lobeira no salón de actos do Instituto Social da Mariña.
-*Póboa de Trives. *O sábado 26 ás 18.00 dará unha charla Alfredo Suárez Canal
*-Dodro. *O domingo 26, ás 19.00, haberá un acto no Pazo de Lestrove con Carlos Aymerich.

Pola súa banda, Galiza Nova organiza unha serie de charlas sobre o mesmo tema na *Universidade da Coruña*. O martes 21 estará Santiago Domínguez na facultade de Educación Física, ás 10.30, e pola tarde estará Rubén Cela ás 17.30 na facultade de Ciencias da Educación. O xoves 23 estará ás 12.30 Salustiano Mato -director xeral de I+D+i- na facultade de informática e ás 17.30 da tarde intervirá Teresa Táboas na facultade de Arquitectura.

Estatuto de Nación para a Muller

2006-03-10T16:03:00.000+01:00

Propaganda

2006-03-09T12:36:00.000+01:00

loisperezleira@hotmail.com

Instancias a oposicións

2006-03-09T12:33:00.000+01:00

AO CONSELLEIRO DE PRESIDENCIA, ADMINISTRACIÓNS PÚBLICAS E XUSTIZA

D/Dna ……………………………………………..., con carné de identidade ………………., e enderezo a efectos de notificación en Madrid, R/ ………………………………………………….

EXPÓN:

Que no DOG do 15 de decembro de 2005 se convocaron oposicións para o ingreso no corpo superior de administración da Xunta de Galiza (grupo A), no corpo auxiliar (grupo D) e no corpo subalterno (grupo E).

Nas bases da convocatoria sinalábase que os exercicios tipo test terían os enunciados unicamente en lingua galega.

Que esta medida se basea no artigo 33 da Lei de Función Pública, que indica que nas probas selectivas que se realicen se terá que demostrar o coñecemento do galego, para lle dar cumprimento á normalización do galego na Administración pública de Galiza e para garantir o dereito das administradas e administrados ao uso do galego.

Que esta medida foi defendida publicamente polo Presidente da Xunta, quen ademais de recordar a súa legalidade, sinalou que se trataba dunha iniciativa que desenvolvía o Plan Xeral de Normalización da Lingua Galega aprobado por unanimidade en pleno do Parlamento galego.

Que posteriormente o Conselleiro de Presidencia, Administracións Públicas e Xustiza ditou a Instrución 1/2006, do 8 de febreiro (DOG do 9), que implica, que o exercicio tipo test das oposicións só será en galego para aqueles que non soliciten ao comezo dos exercicios facelo en castelán, de xeito que ningún exercicio das oposicións terá por que realizarse en galego.

Que, por medio desta Instrución, o Conselleiro da Presidencia modifica radicalmente as bases do concurso, cando está acabado o prazo de solicitude, ao converter en voluntaria a proba en galego, esquecéndose que os empregados públicos e os aspirantes a selo teñen obrigas ligadas aos dereitos dos galegos e galegas, de aí o artigo 33 da Lei 4/88 ou o 5 da Lei 3/83, que fixa que a lingua ordinaria de funcionamento da nosa administración é o galego.

Por todo isto,

SOLICITA:

Que se dite nova instrución polo Conselleiro de Presidencia, Administracións Públicas e Xustiza, corrixindo a publicada no DOG do 9 de febreiro, para que as bases da convocatoria volten á letra e ao espírito das bases orixinais.

Que a proba de coñecemento de galego, en canto requisito de capacidade e non simple mérito, non poida ser substituída pola presentación de ningún título, igual que no resto dos requisitos de capacidade non abonda con ter un título para se eximir de realizar probas específicas para a súa comprobación (p. ex., ter a licenciatura de Dereito non exime de examinarse da parte xurídica do temario).

Que desde a Consellaría de Presidencia, Administracións Públicas e Xustiza se garanta que, en futuras convocatorias, teñan que desenvolverse en galego un mínimo da metade dos exercicios de oposicións para o acceso aos diferentes corpos do funcionariado da Administración autonómica.

En Madrid. a 9 de marzo de 2006

Asdo.: ............................................

Agresións a cargos electos

2006-02-25T11:19:00.000+01:00

A LA MESA DEL CONGRESO DE LOS DIPUTADOS

Mª OLAIA FERNÁNDEZ DAVILA, Diputada del GRUPO PARLAMENTARIO MIXTO (BNG), al amparo de lo dispuesto en el artículo 185 del Reglamento de la Cámara, presenta la siguiente pregunta para la que solicita respuesta por ESCRITO relativa a declaraciones del Subdelegado del Gobierno en Pontevedra en relación a las agresiones sufridas por cargos electos del BNG.

Hace unos días nos dirigíamos al Gobierno en una iniciativa parlamentaria anterior para hacerle llegar las reiteradas agresiones que están sufriendo tres concejales del Bloque Nacionalista Galego (BNG) en el ayuntamiento de Nigrán en un caso, y en el ayuntamiento de Gondomar en los otros dos casos.

Unos actos de violencia que tienen su causa en la misma labor política que David Giráldez, Domingos Solla y Manuel Pereiro, así se llaman los cargos municipales del BNG, desempeñan en sus respectivos municipios.

Los tres se han destacado por sus constantes denuncias de las especulaciones urbanísticas producidas en los ayuntamientos mencionados, por hacer públicas las ilegalidades urbanísticas y los atentados contra el medio ambiente cometidos en estos municipios.

Precisamente, porque las agresiones no cesan, porque se repiten, pedíamos al Gobierno que agilizase las diligencias abiertas por estos actos de violencia.

Sin embargo, y sin que de momento hayan trascendido los resultados de las investigaciones, sin que se hayan hecho públicas las conclusiones de los informes, sin que exista todavía ninguna resolución respecto de estas agresiones, el Subdelegado del Gobierno en Pontevedra se atreve a negar con rotundidad la posibilidad de que los cargos municipales del BNG sean víctimas de una trama organizada que los persigue por vigilar la legalidad vigente en materia urbanística y de medio ambiente, por denunciar las ilegalidades.

Es más, no sólo rechaza esta posibilidad cuando las diligencias están todavía abiertas, sino que va más allá y asegura que "los sabotajes podrían deberse a venganzas contra los afectados ya que parece que tienen que ver con cuestiones del contexto personal de cada uno de ellos". Y realiza estas manifestaciones después de reconocer que la Guardia Civil y las autoridades competentes continúan trabajando en el caso.

Desde luego, no es la actitud responsable, ética y respetuosa que cabría esperar de un responsable de la Subdelegación del Gobierno en Pontevedra que expresa sus pareceres sobre un caso bajo investigación. Y que nos conste no ha sido nombrado para realizar valoraciones personales sobre unas agresiones que tienen su base en la labor política desempeñada por estos concejales, que en ningún momento están denunciando problemas personales sino cuestiones que afectan al ámbito de su labor como representantes políticos en los ayuntamientos de Gondomar y Nigrán, y están velando por la legalidad vigente.

¿Conoce el Gobierno las declaraciones realizadas por el Subdelegado del Gobierno en Pontevedra sobre las diligencias todavía abiertas respecto de las agresiones sufridas por tres concejales del BNG en los ayuntamiento de Nigrán y Gondomar?

¿Las considera adecuadas y respetuosas? ¿No le parece que no es de recibo que un Subdelegado del Gobierno hable de un proceso aún bajo investigación? ¿No debería guardar respetuoso silencio hasta conocerse las conclusiones de las diligencias abiertas?

¿Le parece al Gobierno que las denuncias realizadas por los cargos municipales del BNG por las ilegalidades urbanísticas y medioambientales cometidas en los ayuntamientos mencionados, son cuestiones "de índole personal"? ¿No cree que se corresponden con el ejercicio digno, honesto y adecuado de sus responsabilidades como concejales?

¿Va a pedirle explicaciones al Subdelegado del Gobierno en Pontevedra por esta actuación tan irresponsable? ¿No cree que este modo de conducirse del Subdelegado del Gobierno en Pontevedra da un respaldo a los agresores para continuar ensañándose con los ediles del BNG?

24 de febrero de 2006

Mª Olaia Fernández Davila

Diputada por Pontevedra (BNG)

Obrigatoriedade do galego nos actos públicos

2005-12-22T00:47:00.000+01:00

¡Yo no uso el gallego ni ahí en la calle! Iso é o que algún alcalde coma Manuel Cabezas semella querer dicir nos seus actos públicos e nas súas entrevistas nos medios de comunicación afíns, e é que iste home non oiu falar na vida dunha cousa que se chama dignidade (debe pensar que é unha palabrota), un alcalde dunha cidade galega (Ourense poño por caso) que rexeita do noso idioma pra falar un idioma extranxeiro á terra en que goberna debería ser deposto dos seus cargos públicos por incapacidade léxica. Tamén nós, como galegas e galegos estamos no noso dereito de lle preguntar ós responsables do PP e máis do PSOE como consinten que os seus cargos públicos se poidan permitir a fachenda de denostar o idioma galego e mesmo chegar a ridiculizalo. Esta xente non nos representa, non teñen o dereito de o facer se non o fan no noso idioma, actitudes coma estas teñen que desaparecer xa por sempre do panorama político da Galiza. Pedimos pois que se faga cumprir a obrigatoriedade do uso do galego nos actos públicos dos cargos elixidos democráticamente polo pobo baixo castigo de inhabilitación pra estes en caso de reiteración neste grave delicto contra a nosa cultura.

GALEUSCA

2005-12-02T16:28:00.000+01:00

Os partidos firmantes da Declaración de Barcelona: PNV, CiU e
BNG celebrarán a finais de Xaneiro unha asemblea en Madrid
para presentar un programa de actuación conxunta para 2006. Ademáis,
iniciarán unha ronda co resto de formacións para plantexar a
proposta de Galeusca co obxectivo de avanzar cara un Estado
plurinacional.

Esta decisión acordouse onte en Madrid, durante a reunión que
mantiveron os coordinadores de Galeusca-Declaración de Barcelona,
na que estiveron presentes Josune Ariztondo (EAJ-PNV), Felip Puig
(CDC), Josep María Pellegri (UDC) e Francisco Jonquera (BNG).

Os representantes destas formacións nacionalistas acordaron
celebrar unha asemblea conxunta de cargos electos e membros das
executivas nacionais, que será convocada en Madrid para a derradeira
semana de Xaneiro.

No encontro participarán tódolos parlamentarios autonómicos,
deputados e senadores de Madrid, europarlamentarios e membros das
executivas nacionais de EAJ-PNV, CiU e BNG. Un dos obxectivos desta
reunión é a presentación do Programa de Actuación conxunta
para o ano 2006.

RONDA CON OUTROS PARTIDOS

Os firmantes da Declaración de Barcelona tamén plantexaron como reto
a constitución dun órgano estable e permanente para mellorar a
coordinación das posicións políticas de Galeusca nas Cortes
Xerais. Iste órgano estará formado por un deputado e un senador
de cada un dos partidos implicados e coordinado a turnos
alternativos por un membro das súas executivas nacionais.

Finalmente, impulsarán a asociación "Galeuscat" que, con sede en
Madrid, terá como obxectivo construir un "imaxinario político
cultural que propoña alternativas ao sistema estatal actual".

02/Dic/2005 12:11:50

(EUROPA PRESS)

Comunicado de apoio

2005-12-01T19:14:00.000+01:00

Os militantes de Galiza Nova en Madrid sentímonos na obriga de solidarizarnos cos compañeiros da AMI detidos nos últimos días en toda a Galiza no marco da acción represiva do estado español en contra do nacionalismo galego.
Pode ser que non coincidamos moitas veces nos nosos pareceres, pode ser, tamén, que non coincidamos nas nosas expresións políticas tanto privadas coma públicas, pero o que si compartimos é o final desexado, unha Galiza que mereza realmente ese nome, unha Galiza onde a única voz a ser tida en conta sexa a do pobo galego.
Por iso, dende eiquí queremos mandarlle un afectuoso abrazo nacionalista a todos eles e desexarlles a todos unha pronta recuperación da súa vida normal, e como non, da súa actividade loitadora.

DESESTRUCTURAÇOM ORGÁNICA DA MOCIDADE B.C.

2005-11-17T16:32:00.000+01:00

Desde Galiza Nova, como organizaçom juvenil soberanista, devemos analisar a situaçom na que se acha a mocidade galega , mais a nossa analise nom é muito diferente da realizada até agora por outros movimentos juvenís . Por tanto, constatamos que na actualidade a maioria dos moços e moças galegas sofrem de um jeito muito agudo o processo de colonizaçom-espanholizaçom , aliás , som vítima da alienaçom ideológica que impõe o capitalismo .

A consequência imediata desta dupla opressom é a desestructuraçom orgánica da mocidade ,que se manifesta no conformismo, passivismo, falta de perspectivas de futuro , capacidade para analisar o presente... O Sistema capitalista espanhol da-nos tudo feito , por enquanto, nom é necessário nenhum tipo de esforço para conseguir aquilo que desejamos . Isto provoca na mocidade a submissom ao sistema e falta de espírito crítico, que trai aparelhada inevitávelmente a despolitizaçom e a desorganizaçom dos jovens como peças-chave do espanholismo neoliberal . Assim, o individualismo é apenas umha das armas ideológicas que emprega o capitalismo para que os colectivos perdam a perspectiva da identidade de grupo e nom se perceba a realidade da opressom como colectivo próprio e evitar qualquer tipo de resistência que ameaçe ao Sistema.

O Sistema imperialista-capitalista impõe umha série de mudanças nas condições de existência que supõe também profundos câmbios sociológicas entre a mocidade. Neste senso ,devemos destacar a prática lingüística , elemento fundamental para a supervivência da Galiza como naçom . Destacando o facto de a geraçom actual sermos a primeira alfabetizada na sua língua ,ainda que fosse na variante ortográfica ILG-RAG e exceptuando a mocidade que habita na faixa leste do país, é já agora maioritariamente castalhanofalante.
Enquanto aos câmbios sociais que provoca o Sistema devemos destacar que hoje as questões prioritárias da juventude som a consecuçom de umha estabilidade económica que permita aceder aos bens de consumo e ócio que oferta e promove o mesmo Sistema.

Ante esta situaçom tam adversa para o nosso país que sofre a opressom nacional através da espanholizaçom capitalista a mocidade devemos ser o sector social que luitemos polo câmbio , e a única forma é apartir da organizaçom em estruturas de todo tipo , e que agrupem o maior número de moças e moços. Só através da estruturaçom da mocidade em colectivos organizados segundo a existência de determindos interesses, por parciais que estes forem daremos o primeiro passo para a tomada de consciência para imovilizar o avanço neolibel.

Xa estamos eiquí

2005-11-17T16:28:00.000+01:00

Creamos este blog pra poder ter publicada e á vista de todos a actividade das mozas e mozos que compoñemos Galiza Nova en Madrid. Agardo a máxima participación por parte de todos vos pra ver se dunha vez conseguimos sacar adiante a nosa propia organizón interna